IDRAK ...
Idrak ka ek lamha humein buhat si haqeeqatoun say rooshnas kara dayta hai. Woh xameeni haqaiq jin say hum umer bhar naxrain churatay hein, us ek lamhay mein hum un haqaiq ka samna kar laytay hein.
Narasaai ka dukh or naqadri ka ehsaas mar jata hai.
Na chahay janay ki kasak mit jati hai.
Naummedi kay saey maxeed gahray ho jatay hein.
Or .....
Or hum suchaai kay judge kay samnay, haqeeqatoun kay katehray mein kharay apni safaai peesh karnay kay qabil bhi naheen rahtay.
Aysa kiun hai?
Kia hum humeesha khush fehmi ki haseen duniya mein naheen rah saktay?
Kia hum xindagee bhar ek maqsud kay hasool ki kooshish naheen kar saktay?
Kia hum kabhee woh naheen paa saktay jo hum chahtay hein?
Kia narasaai hi humara muqaddar hai?
Kia sahra ki chilchilati dhoop mein hum khushfehmi kay abar ki talaash jaree naheen rakh saktay?
Kia kaantoun kay is bun mein guloun ki chah humeesha raeygaan jati hai?
Kia humeesha yeh sawaal jawab ki talaash mein sargardan rahain gay?
Ya kabhee xindagee mein kisi moor per mujh mein itna hausla ho ga kay main in sub sawaloun ka jawab apnay dil ki gahraioun say pa sakoun?
KIA?
KIUN?
Xindagee ko kabhee bhi sawaloun kay mahvur mein phansna naheen chahiyee. Koi bhi aysa moor jis pay xinadgee sawaloun kay saffak bhanwar mein phans jaey, xindagee ka aakhri moor sabit ho sakta hai. Saffak or xalim sawal jin ka jawab mumkin hi naheen. Or insaan tu waisay bhi jawabdahi say katrata hai ...
